Skip to main content
Sinjalizimet Kontakt Degët ATM-të
Apliko tani

Bëj suksesin tënd realitet

Punojmë me pasion dhe entuziazëm dhe krijojmë një ambient ku të gjithë talentet dhe ekspertët, mendjet kreative dhe energjike rriten dhe zhvillohen çdo ditë. Ne e marrim seriozisht të ardhmen tënde.

Mëso më shumë Pozicione të lira

Pse Raiffeisen Bank?

Si pjesë e një grupi ndërkombëtar, ne të ofrojmë një bazë të fortë për të ndërtuar suksesin tënd personal dhe profesional. Nga puna e përditshme me klientët, te projektet që kontribuojnë në zhvillimin e tregut dhe shoqërisë, ti bëhesh pjesë e diçkaje më të madhe, duke u udhëhequr nga vlerat tona.

  • Themele të forta për suksesin tënd

    Në Raiffeisen Bank rritja vjen natyrshëm. Mëson çdo ditë nga ekspertë me përvojë, punon në projekte inovative që janë një hap para tregut dhe zhvillohesh profesionalisht si pjesë e një banke që operon me standarde ndërkombëtare. Këtu je pjesë e një
    komuniteti ku përvoja, bashkëpunimi dhe ambicia për tu përmirësuar ecin së bashku.

  • Krijo lidhje që sjellin vlerë

    Bashkëpunimi dhe respekti i ndërsjellë të japin hapësirën e duhur të ndash idetë e tua, të mësosh nga koleget dhe të zhvillohesh profesionalisht. Komuniteti që ndërtojmë të gjithë bashkë të jep hapësirën për të kontribuar lirshëm, për të ndarë idetë e tua dhe për të punuar në mënyrën që të përshtatet.

  • Rritje përtej hierarkisë

    Në Raiffeisen Bank rritesh në mënyrën tënde, duke eksperimentuar, duke vënë në jetë idetë e reja dhe duke ndjekur qëllimet e tua. Këtu ke hapësirën dhe fleksibilitetin e duhur për të zhvilluar potencialin tënd dhe për të ecur çdo ditë më pranë asaj që synon të arrish.

Fakte mbi Raiffeisen Bank:

Pjesë e një grupi ndërkombëtar prezent në 23 shtete

1330+ punonjës

Mosha mesatare: 38

4 gjenerata

20+ vite në treg

  • Balanca Punë / Jetë

    Për të disatin vit, Raiffeisen Bank është shpallur si vend pune kampion për politikat miqësore ndaj familjes: ditë pushimi në ditëlindje, ditë shtesë leje vjetore sipas vjetërsisë, mundësi pune në distancë, leje prindërore edhe për baballarët, etj., sepse balanca punë - jetë ka rëndësi.

  • Të mësuarit në ADN-n tonë

    Rrit vlerën tënde me kurse, certifikime dhe mundësi self-learning që zhvillojnë aftësitë dhe profilin tënd profesional.

  • Përfitimet e punonjësit

    Raiffeisen Bank ofron kushte të mira pune, përfitime konkurruese, mundësi pune hibride, etj.

Përfitimet e të punuarit në Raiffeisen Bank:

  • Ambiente moderne dhe tërheqëse pune

    Punojmë në hapësira komode dhe moderne, të konceptuara për të nxitur kreativitetin, bashkëpunimin dhe produktivitetin.

  • Punë hibride & fleksibilitet

    Bazuar në natyrën e rolit, ofrojmë modalitet pune hibride dhe fleksibilitet, që të kesh lirinë të punosh në mënyrën që të përshtatet më mirë dhe të ruash balancën punë - jetë.

  • Kujdesemi për shëndetin tënd

    Mirëqenia jote është prioritet. Punonjësit mund të përfshihen në sigurim privat shëndetësor, sipas politikave në fuqi dhe një skeme të përbashkëtkontributi. Në të dy zyrat qendrore të presin ambiente moderne, kantinë dhe ushqim i shëndetshëm. Me Programin e Wellbeing, mbështesim shëndetin fizik, mendor dhe emocional, dhe ndihmojmë të krijosh zakone të shëndetshme që vlejnë edhe jashtë zyrës.

  • Ditë pushimi ekstra

    I gjithë stafi përfiton një ditë pushimi gjatë muajit të lindjes si dhe ditë shtesë leje bazuar në vjetërsinë në punë, apo role specifike.

  • Prindërimi

    Banka mbështet familjet duke ofruar 10 ditë leje për baballarët e rinj dhe duke paguar diferencën gjatë lejes së lindjes  për nënat. Kjo u jep mundësinë prindërve të rinj të kalojnë kohë me familjen pa stres financiar dhe të kthehen të qetë.

  • Përfitime financiare

    Si pjesë e punës në një institucion financiar, punonjësit përfitojnë produkte dhe shërbime bankare me kushte preferenciale. Kjo përfshin kredi, depozita dhe produkte të tjera që e bëjnë menaxhimin e financave personale më të lehtë dhe më të favorshëm.

  • Pension privat

    Ofrojmë mundësi për pension privat, për t’u siguruar që të
    mendosh edhe për të ardhmen. Kjo është një mënyrë për të krijuar siguri financiare afatgjatë dhe për të ndërtuar stabilitet personal për vitet në vijim.

  • Trajnime dhe zhvillim profesional

    Ne e dimë që zhvillimi profesional është i rëndësishëm. Për këtë arsye investojmë në programe trajnimi, zhvillimi aftësish dhe mësim online, si dhe mundësi për të marrë pjesë në projekte që zgjerojnë eksperiencën praktike. Ke mbështetjen e duhur që të rritesh profesionalisht, të përgatitesh për role të reja dhe të avancosh në karrierë.

Si ndihesh kur punon në bankën tonë?

Mëso më shumë rreth jetës në bankën tonë përmes dëshmive më poshtë, për të kuptuar pse njerëzit e duan punën e tyre dhe për t’ju dhënë më shumë informacion rreth punëdhënësit dhe kolegëve tuaj të ardhshëm.

  • Vilma Tola

    E fillova karrierën time në bankë si studente dhe me kalimin e viteve jam zhvilluar në rolin e Menaxheres së Marrëdhënieve Premium. Ky rrugëtim ka qenë një proces i vazhdueshëm mësimi, rritjeje dhe zhvillimi. Natyrshëm, puna ime me klientët sjell sfida dhe motivim të vazhdueshëm, dhe këtu banka ka luajtur një rol kyç në rrugëtimin tim profesional. Me kanë ndihmuar trajnimet e përshtatura për mua, dhe një kulturë që vlerëson bashkëpunimin dhe te mësuarit e vazhdueshëm. 

  • Xherina Hazizaj

    Karriera ime në sektorin bankar ka nisur në vitin 2008 dhe është ndërtuar gradualisht, duke kaluar nga përvoja praktike në degë, drejt roleve më strategjike. Vitet e para më formësuan profesionalisht, në një kohë kur digjitalizimi sapo kishte nisur, ndërsa sot, përvoja ime përfshin një kuptim të plotë të shërbimit ndaj klientit dhe zhvillimit të produkteve në një mjedis që ndryshon me shpejtësi.Përgjatë këtyre viteve, kam qenë pjesë aktive e zhvillimit të produkteve digjitale dhe sot kontribuoj edhe si Ambasadore e AI, duke sjellë teknologjinë më pranë biznesit. Çdo hap ka qenë një mësim, një sfidë dhe një mundësi për të sjellë diçka më të mirë.

  • Markedo Lamaj

    Prej më shumë se dy vitesh punoj si Analist Biznesi në Raiffeisen Bank, duke kontribuar në ekipe Agile që kanë në fokus Advanced Analytics. Në këtë rol, përgjegjësia ime kryesore është të analizoj nevojat e biznesit dhe t’i përkthej ato në zgjidhje të bazuara në të dhëna, që përputhen me objektivat strategjike dhe kërkesat rregullatore. Metodologjia Agile, me ndihmon të jem i përfshirë në çdo fazë të zhvillimit, nga identifikimi i mundësive për përmirësim deri te zbatimi i zgjidhjeve. Puna ne Raiffeisen është një shkollë dhe zhvillim i vazhdueshëm.

  • Bedra Kraja

    Kam filluar si praktikante në IT dhe jam zhvilluar vazhdimisht profesionalisht duke balancuar punën praktike me rritjen profesionale të vazhdueshme. Mbështetja nga ekipi im dhe një ambient pune bashkëpunues kanë qenë thelbësore për zhvillimin tim teknik dhe personal. Gjatë kësaj periudhe, kam kërkuar në mënyrë aktive mundësi për të mësuar teknologji të reja dhe kam kontribuar në projekte që kërkojnë kreativitet dhe përkushtim.

  • Olsi Memisha

    Gjatë ketyre nëntë viteve në Raiffeisen Bank Albania, kam krijuar një eksperiencë të gjerë në fushat e riskut, operacioneve dhe projekteve digjitale. Aktualisht drejtoj ekipin SME Daily Banking dhe ushtroj rolin e Product Owner, me fokus në zhvillimin e zgjidhjeve inovative dhe të personalizuara për bizneset e vogla dhe të mesme. Karriera ime është udhëhequr nga mësimi i vazhdueshëm, bashkëpunimi efektiv dhe dëshira për të sjellë ndikim të prekshëm për klientët dhe organizatën.

Ne po kerkojmë...

  • Studentët dhe të sapodiplomuarit

    Të rinj të talentuar që kërkojnë punë fillestare në bankë, pozicione për të diplomuarit në financë/ekonomi/biznes etj.  Fillo karrierën tënde në projekte reale, duke fituar përvojë në një ambient fleksibël që e bën të mundur kombinimin e punës me studimet.

  • Talente në Tech dhe AI

    Zhvillues/programues dhe ekspertë të Shkencës së të Dhënave, Inteligjencës Artificiale, Sigurisë Kibernetike, Menaxhimit të Produkteve dhe Bankimit Digjital që punojnë me teknologjitë më të reja dhe zgjidhje bashkëkohore për të fuqizuar biznesin dhe përmirësuar përvojën e klientit.

  • Profesionistë të Bankingut dhe Biznesit

    Ekspertë të biznesit të interesuar për punë në bankingun korporatë, bankingun e investimeve dhe financë, marketing, përputhshmëri (compliance), menaxhim risku, juridik, burime njerëzore dhe të gjitha rolet e tjera që kontribuojnë në suksesin e përbashkët të bankës. 

Pse të nisësh karrierën me ne?

Kemi disa arsye bindëse...

Programi i studentëve

Nëse keni pasion për ekonominë dhe financën, Programi ynë DSA është hapi i parë drejt një karriere premtuese. Fitoni përvojë praktike, krijoni lidhje me profesionistë dhe njihuni nga afër me një bankë me standarde ndërkombëtare. Praktika mund të fillojë nga viti i dytë i bachelor-it ose gjatë studimeve master.

Mëso më shumë

Key Academy

Për studentët me profile teknike që duan të zhvillojnë aftësi praktike në programim, infrastrukturë dhe arkitekturë sistemi. Ky program 1-mujor ofron mentorim nga ekspertët tanë dhe përqendrohet në programim, cloud engineering, siguri informacioni, data engineering dhe dizajn sistemesh. I hapur për studentët nga viti i tretë i bachelor-it ose gjatë masterit, programi është fleksibël dhe përshtatet me orarin tuaj të studimeve.

Pyetjet më të shpeshta

Fantastike që po kërkon mundësi në Raiffeisen! Të gjitha pozicionet e hapura i gjen në faqen tonë të karrierës dhe në LinkedIn. Nëse ke interes për role që nuk janë të shpallura, thjesht na shkruaj në recruitment.hr@raiffeisen.al. Na pëlqen kur kandidatet kane iniciativë.

Shumë thjesht: gjej pozicionin që të përshtatet dhe ndiq hapat në faqen e karrierës. Procesi është tërësisht online dhe shumë i drejtpërdrejtë.

Të gjitha aplikimet pranohen vetëm online për t’u siguruar që çdo kandidat trajtohet njësoj dhe sistemi i regjistron saktë të dhënat. 

Po, natyrisht! Mjafton që pozicionet të përputhen me profilin dhe eksperiencën tënde. Nëse të përshtatet, apliko! 

Zakonisht kërkohet CV dhe një letër motivimi e shkurtër. Disa role mund të kenë kërkesa shtesë, ndaj shiko me kujdes përshkrimin e pozicionit.

Pasi aplikon, ekipi ynë i HR e shqyrton me kujdes aplikimin. Kandidatët e përzgjedhur kontaktohen për fazën e intervistës ose të testimit, sipas pozicionit. 

Përgjithësisht, brenda 2–3 javëve nga mbyllja e aplikimeve. Vetëm kandidatët që vazhdojnë procesin kontaktohen më tej.

Për çdo paqartësi, na shkruaj në recruitment.hr@raiffeisen.al. Jemi këtu për të ndihmuar! 

Po, mjafton të na kontaktosh në recruitment.hr@raiffeisen.al dhe të kërkosh ndryshimin ose tërheqjen. 

Të gjithë kandidatët e intervistuar njoftohen për rezultatin. Feedback më i detajuar jepet me kërkesë përmes emailit. 

Po! Ne organizojmë rregullisht programe praktike. Na ndiq në LinkedIn, faqen e karrierës Praktikat studentore ose Instagram: raiffeisentalents. 

Thirrjet për praktika publikohen në LinkedIn, në faqen e karrierës Praktikat studentore ose Instagram: raiffeisentalents. 

Duhet të jesh student ose i diplomuar së fundmi, me interes në bankë, financë ose teknologji.

Po! Programi veror shpallet çdo vit dhe presim gjithmonë me kënaqësi studentë të rinj që duan të provojnë veten në skuadrat tona.

Varet nga programi. Ne ofrojmë si praktika të paguara, ashtu edhe të vullnetarizuara. Detajet i gjen te seksioni Praktikat studentore.

Po, studentët e vitit të fundit janë të mirëpritur të aplikojnë për praktika mësimore ose pozicione junior. 

Varet nga roli, por zakonisht kërkohet diplomë universitare dhe njohuri e mirë e anglishtes. 

Rrallë, por po, disa pozicione mund të jenë me kohë të pjesshme.

Jo gjithmonë! Kemi role për fillestarë dhe njerëz nga fusha të ndryshme. Shumë prej nesh e kanë nisur karrierën nga junior dhe janë rritur këtu.

Po, anglishtja është e domosdoshme. Gjuhët e tjera janë gjithmonë plus!

Po! Intervistat mund të jenë online ose fizikisht, sipas fazës dhe pozicionit. 

Një panel miqësor që dëshiron të të njohë më mirë! Do kesh pyetje teknike, situacionale dhe në disa raste edhe ushtrime praktike. 

Po! Riapliko sa herë sheh një pozicion që përputhet me profilin tënd.