Rezultatet paraprake të biznesit për vitin 2024

Në vitin 2024, Raiffeisen Bank International (RBI) gjeneroi një fitim të konsoliduar prej 975 milionë eurosh në grupin e saj kryesor, d.m.th. duke përjashtuar Rusinë dhe Bjellorusinë. Këtu përfshihen provigjione për kredi në valutë të huaj në Poloni në vlerën 649 milionë euro. Fitimi i konsoliduar, duke përfshirë Rusinë dhe Bjellorusinë, arriti në rreth 1.2 miliardë euro. “RBI arriti një rezultat të kënaqshëm në vitin 2024, pavarësisht tarifave jashtëzakonisht masive. Shitja e Priorbank në Bjellorusi bëri të mundur që të reduktojmë rrezikun politik të RBI. Progresi i reduktimit të biznesit në Rusi është kryesisht pozitiv”, u shpreh Johann Strobl, CEO i RBI.

Rënia drastike e kostove të riskut

Në vitin financiar 2024, edhe kostot e rrezikut shënuan rënie. Me 125 milionë euro, këto kosto janë dukshëm më të ulëta se një vit më parë (391 milionë euro). Ndërsa viti i kaluar u karakterizua kryesisht nga provigjione në zyrat qendrore, në Rusi dhe në Ukrainë, në vitin raportues u shënuan emetime neto në Rusi për shkak të shlyerjeve dhe emetimeve të masave për mbulimin e rrezikut. Situata në zyrat qendrore të grupit u zhvillua në drejtim të kundërt, me provigjione shtesë për financimin e pasurive të paluajtshme dhe klientët e korporatave.

Reduktimi i përshpejtuar i biznesit në Rusi

RBI vijoi përpjekjet e saj për të reduktuar ndjeshëm biznesin e saj në Rusi për vitin financiar 2024. Vëllimi i huadhënies në Rusi u ul me 30 për qind. Në fund të vitit 2024, arriti në vlerën vetëm 4,2 miliardë euro. Depozitat nga klientët u reduktuan me 35 për qind. Biznesi i pagesave në valutë të huaj nga Rusia u kufizua edhe më shumë.

Raporti i Kapitalit të Zakonshëm të Nivelit 1 (i përkohshëm) prej 17,1 për qind

Raporti CET 1 i RBI shënoi 17,1 për qind në fund të vitit 2024. Në rast të dekonsolidimit të biznesit në Rusi në këtë moment pa marrë parasysh, d.m.th. me një normë kontabël prej 0, raporti CET 1 do të ishte ende 15,1 për qind.

“Për shkak të kapitalizimit tonë të mirë, dëshirojmë t'u propozojmë aksionerëve tanë një dividend në vlerën 1,10 euro për aksion për vitin 2024”, u shpreh Strobl.

Përmbledhje

Udhëzimi i mëposhtëm i referohet RBI-së, duke përjashtuar Rusinë.

• Në vitin 2025, të ardhurat neto nga interesi priten të shënojnë rreth 4,15 miliardë euro dhe të ardhurat neto nga tarifat dhe komisionet rreth 1,95 miliardë euro.      
• RBI parashikon që kreditë për klientët të rriten me 6 deri në 7 për qind.      
• RBI parashikon që shpenzimet e përgjithshme administrative të regjistrojnë vlerën rreth 3,45 miliardë euro, duke shënuar një raport kosto/të ardhura prej rreth 52,5 për qind.      
• Raporti i provigjionimit, përpara përdorimit të të masave të mbulimit të rrezikut, pritet të jetë deri në 50 pikë bazë.      
• Kthimi i konsoliduar nga kapitali pritet të arrijë vlerën 10 për qind në vitin 2025.
• Në fund të vitit 2025, RBI pret një raport CET1 prej rreth 15.2 përqind*.   
• Në terma afatmesëm, RBI synon të arrijë një kthim të konsoliduar mbi kapitalin prej të paktën 13 për qind, duke përjashtuar Rusinë dhe duke përjashtuar provigjionet dhe kostot ligjore për kreditë në valutë të huaj në Poloni.     

*Çdo vendim për dividentët do të bazohet në pozicionin e kapitalit të Grupit me përjashtim të Rusisë