RBI 1-9/2026 Fitimi i konsoliduar (pa përfshirë Rusinë) mbi 1,1 miliardë euro, një rritje prej 10 %
- Fitimi i konsoliduar për periudhën janar–shtator të vitit 2026 arriti në 1.127 milionë euro (pa përfshirë Rusinë), ndërsa të ardhurat kryesore u rritën me 8 % krahasuar me vitin e kaluar, duke arritur në 4.971 milionë euro
- Portofoli i kredive për klientët u zgjerua me 8 % në 109 miliardë euro deri në (pa përfshirë Rusinë) nga fillimi i vitit deri më sot
- Raporti i provigjoneve (pa përfshirë Rusinë) arriti në 19 pikë bazë që nga fillimi i vitit deri më sot
- Raporti i CET1 pa përfshirë Rusinë shënoi 15,4 %
- Përmbyllja me sukses e blerjes së Grupit Garanti BBVA në Rumani
Raiffeisen Bank International (RBI) gjeneroi një fitim të konsoliduar prej 1,1 miliardë eurosh në grupin e saj kryesor (pa
përfshirë Rusinë) gjatë nëntë muajve të parë të vitit 2026. Kjo pasqyron një rritje prej 10% krahasuar me të njëjtën periudhë të vitit të kaluar. Të ardhurat neto nga interesat u rritën me 7 % në 3,347 milionë euro krahasuar me të njëjtën periudhë të vitit të kaluar. Të ardhurat neto nga tarifat dhekomisionet u rritën ndjeshëm me 10 % në 1,624 milionë euro.
Portofoli i kredive për klientët në grupin kryesor u zgjerua me 8 % në 109 miliardë euro krahasuar me fundin e vitit 2025.
“Tre tremujorët e fundit kanë qenë shumë të suksesshëm. Aktiviteti ynë kryesor po shënon rezultate shumë të mira, ndërsa pozicioni ynë i konsoliduar në tregje me potencial të lartë përbën një bazë të shkëlqyer për rritjen e mëtejshme. Paralelisht, gjatë muajve të fundit, kemi pasur arritje të konsiderueshme në dy iniciativa strategjike: blerja e Garanti BBVA Romania dhe marrja e planifikuar nën kontroll e Addiko Bank. Vendimi përfundimtar gjyqësor kundër Rasperia-s shënon gjithashtu një moment të rëndësishëm për ne, në interes të aksionarëve tanë dhe me qëllim kompensimin e humbjeve të pësuara në Rusi,” u shpreh Michael Höllerer, Drejtor i Përgjithshëm i RBI-së.