Prona ndodhet në fshatin Tapizë, të rrethit Krujë, në një distancë rreth 1.7 km në veri të qendrës së Tapizës dhe rreth 5.7 km në veri të qendrës së Kamzës. Ajo është e pozicionuar buzë rrugës kombëtare Tiranë-Shkodër, në anën perëndimore të saj, dhe rreth 5.2 km në jug të mbikalimit të Fushë-Krujës. Zona ku përfshihen pronat ka qenë zonë bujqësore, por për arsye të afërsisë me rrugën kombëtare Tiranë-Shkodër, është zhvilluar me ndërtime si për qëllime banimi, ashtu edhe për qëllime tregtie/biznesi apo shërbimesh. Nga veriu prona kufizohet me parcela toke arë dhe troje me ndërtesa; nga lindja me kanal bujqësor dhe rrugën kombëtare Tiranë-Shkodër; nga jugu me parcelë toke arë; ndërsa nga perëndimi kufizohet me kanal (degë lumi).