Raiffeisen Bank në Shqipëri prezanton “Elevator Lab Albania”


25.4.2018

Tiranë, 25 Prill 2018

 

Raiffeisen Bank në Shqipëri prezanton sot më 25 Prill 2018 programin "Elevator Lab Albania". Elevator Lab është program akselerator për fintechs dhe startups i Grupit Raiffeisen Bank International, i cili u prezantua në Qershor të vitit 2017. Me një akses potencial në 14 tregje të ndryshme, Elevator Lab është tashmë akseleratori fintech më i madh korporatë në Evropen Qendrore dhe Lindore.

 

Tani më 2018, Elevator Lab hyn në sezonin e dytë dhe Grupi RBI po kërkon aplikime nga fintechs ndërkombëtarë në fusha të ndryshme. Këtë vit, Grupi RBI dëshiron të verë një fokus të veçantë në ekosistemet fintech në Evropën Qendrore dhe Lindore. Në këte kuader, Raiffeisen Bank në Shqipëri po prezanton një Sfidë ekskluzive Elevator Lab për tregun shqiptar.

 

Thirrja për aplikime fillon sot deri në datën 23 Maj 2018. Brenda kësaj periudhe, të gjithë të interesuarit, start up-et, etj mund të aplikojnë me idetë dhe zgjidhjet e tyre në fushat: advanced analytics, shërbimeve bankare për bizneset korporata, teknologji të investimit dhe tregjeve, përvoja e re në degë, open banking dhe RegTech (teknologji rregullatore).

 

APLIKONI TANI për Elevator Lab Albania dhe fitoni jo vetëm një çmim monetar por edhe vendin tuaj në gjysëm finalen e RBI Elevator Lab si edhe një trajnim në Vienë para raundit të fundit të përzgjedhjes. Për më shumë informacion vizitoni www.elevator-lab.com/al.