Banka Raiffeisen gjendet më pranë klientëve të saj


21.2.2020

Raiffeisen Bank në bashkëpunim me Postën Shqiptare shton numrin e zyrave postare ku mund të depozitohet cash

Pas finalizimit me sukses të fazës së parë të projektit pilot në 9 zyra postare, tashmë shërbimi i ofruar nga Posta Shqiptare për klientët e Raiffeisen Bank, për depozitimet cash është shtuar edhe me 21 zyra postare të reja, duke e çuar në 30 në total numrin e zyrave që e ofrojnë këtë shërbim.

Tashmë, klientëve të Raiffeisen Bank u ofrohet mundësia për të kryer transaksione për depozitime cash në llogari të klientëve të bankës apo në llogaritë e personave të tretë (individë dhe biznese të vogla), nëpërmjet zyrave të Postës Shqiptare, në zonat e poshtëshënuara të pa mbuluara më parë nga rrjeti i saj i degëve.

Raiffeisen Bank vlerëson se kjo është një vlerë e shtuar për klientët e bankës dhe do të zgjidhë edhe kërkesat e vazhdueshme të komuniteteve, të cilat kërkojnë prezencën e një dege banke në zonën e tyre.

Të gjithë klientët e rinj të cilët nuk kanë një llogari bankare, mund të paraqiten pranë degëve tona për hapjen e një llogarie bankare në mënyrë që në vazhdim të mund të shërbehen pranë zyrave postare në zonat e tyre. Ndërkohë, hapja e llogarive bankare mundëson edhe përdorimin e platformës digjitale “Raiffeisen ON”, nëpërmjet së cilës mund të kryhen edhe veprime të tjera bankare, si pagesa, transferta, etj.

Limitet e transaksioneve janë deri në vlerën <=999,999 lekë dhe ekuivalenti në Euro. Monedhat në të cilat kryhen veprimet janë Lekë dhe Euro.

Lista e zyrave postare është si më poshtë:

  1. Zyra Postare Qendër Memaliaj
  2. Zyra Postare Këlcyrë
  3. Zyra Postare Poliçan
  4. Zyra Postare Fushë-Arrëz
  5. Zyra Postare Shëngjin
  6. Zyra Postare Rrogozhinë
  7. Zyra Postare Qendër Maliq
  8. Zyra Postare Belsh
  9. Zyra Postare Delvinë
  10. Zyra Postare Selenicë
  11. Zyra Postare Orikum
  12. Zyra Postare Plazh (Durrës)
  13. Zyra Postare Sukth
  14. Zyra Postare Voskopojë
  15. Zyra Postare Leskovik
  16. Zyra Postare Ksamil
  17. Zyra Postare Konispol
  18. Zyra Postare Finiq
  19. Zyra Postare Libohovë
  20. Zyra Postare Levan
  21. Zyra Postare Pezë
  22. Zyra Postare Prezë
  23. Zyra Postare Vorë
  24. Zyra Postare Petrelë
  25. Zyra Postare Ndroq
  26. Zyra Postare Vau Dejës
  27. Zyra Postare Bushat
  28. Zyra Postare Rubik
  29. Zyra Postare Milot
  30. Zyra Postare Fierzë