Raiffeisen Bank sponsorizon konkursin per eset me te mira

22.5.2009

Në sajë të bashkëpunimit shumë të mirë ndërmjet Raiffeisen Bank, shoqatës Kultura në Lëvizje dhe Universitetit Evropian të Tiranës organizuan konkursin mbarëkombëtar të eseve “Një mundësi më tepër”. Konkursi fitoi maturantët e shkollave të mesme në të gjithë Shqipërinë që të shkruanin një ese mbi disa tema të përcaktuara si Ç’është demokracia, Edukimi Universitar: e drejtë apo privilegj ?, Ç’farë është korrupsioni ? Pjesëmarrja në votime dhe tema të tjera sociale. Për 14 esetë më të mirë u ndanë çmime duke përfshirë 3 bursa tre-vjeçare studimi në Universitetin Evropian të Tiranës, 5 bursa një-vjeçare studimi në po këtë universitet dhe 6 kompjuterë portativë. Ndër 193 esetë të vlerësuara, 31 më të mira u përzgjodhën dhe u botuan në një libër që iu shpërnda pjesëmarrësve në këtë aktivitet.

Për Raiffeisen Bank morën pjesë në këtë aktivitet Znj. Vilma Baçe, Drejtore e Departamentit të Marrëdhënieve me Publikun, dhe Z. Robert Wright, Anëtar Bordi për Biznesin Retail. Gjithashtu ishin të pranishëm në këtë aktivitet, publicisti i njohur, Z. Ardian Klosi, dhe Rektori i Universitetit Evropian të Tiranës, Z. Ardian Civici. Gjatë fjalës së tyre përshëndetëse ata falënderuan Raiffeisen Bank si sponsorin gjeneral pa mbështetjen e së cilës nuk mund të ishte zhvilluar ky aktivitet kaq i dobishëm dhe i pari në llojin e tij në Shqipëri.

Në fjalën e tij Z. Wright përshëndeti pjesëmarrësit, prindër dhe nxënës dhe nënvizoi se Raiffeisen Bank është shumë krenare dhe e kënaqur që merr pjesë në një aktivitet të tillë ku promovohen dijet dhe talenti i nxënësve. Më pas Z. Wright lexoi disa nga emrat e fituesve të bursave dhe dhuratave të ofruara nga subjektet që sponsorizuan këtë aktivitet. Më pas në ambientet e UET u organizua një koktej për të gjithë të pranishmit